पूर्वप्रधानमन्त्रीसमेत रहेका नेकपा एमालेका नेता झलनाथ खनाल आज अस्पतालबाट डिस्चार्ज हुने भएका छन्।
कोरोना देखिएपछि उनलाई नर्भिक अस्पताल थापाथलीमा भर्ना गरेर उपचार गरिएको थियो।
अस्पतालका सूचना तथा सञ्चार प्रमुख सोमनाथ बाँस्तोलाले खनाल आज डिस्चार्ज हुने बताए। खनाल वैशाख १८ गते नर्भिक अस्पताल भर्ना भएका थिए।
खनाललाई अक्सिजनको सपोर्टमा राखेर उपचार गरिएको थियो। खनालको उपचारमा चिकित्सकहरू जेपी जैसवाल र बी श्रीवास्तव नेतृत्वको टिमले उपचार गरेको थियो।
