नेकपा एमालेका अध्यक्ष एंव प्रधानमन्त्री केपी शर्मा ओलीले पार्टीमा देखिएका विवाद समाधान हुने बताएका छन्।
नेता माधवकुमार नेपालसँग सिंहदरबारमा कुराकानी गरेपछि निस्केका प्रधानमन्त्री ओलीले पत्रकारहरूसँग संक्षिप्त कुराकानी गर्दै पार्टी मिल्ने बताए।
‘पार्टी मिल्छ,’ उनले भने। एमालेभित्र गत फागुन २८ का निर्णय फिर्ता लिएर पार्टीलाई २०७५ जेठ २ कै संरचनाअनुसार अगाडि बढाउनु पर्ने अडानमा नेता नेपाल छन्।
यसबारे ओलीले पटक-पटक नेपालसँग वार्ता गरिरहेका छन्। आजकै बैठकले पार्टीभित्रका विवाद मिलाउन ओली र नेपाल पक्षका १० नेता रहेको कार्यदलसमेत गठन गरिएको छ।
साथै प्रधानमन्त्री ओलीले अध्यादेशबाट बजेट नआउने बताए। यसबारे सोधिएको प्रश्नको जवाफ दिँदै प्रधानमन्त्री ओलीले भने, ‘प्रतिनिधि सभा जीवितै छ।’
जेठ १५ गते बजेट ल्याउनु पर्ने संविधानमै उल्लेख छ।