नेविसंघले लगाएको तालाबन्दीविरूद्ध त्रिभुवन विश्वविद्यालयमा अनेरास्ववियुले हस्ताक्षर संकलन गरेको छ।
नेविसंघले त्रिविका विभिन्न निकायमा तालाबन्दी गरेको छ।
त्रिवि केन्द्रीय कार्यालयमा आइतबार र सोमबार हस्ताक्षर संकलन गरेर कुलपति तथा प्रधानमन्त्री शेरबहादुर देउवालाई बुझाउने अनेरास्ववियु केन्द्रीय कमिटीका सचिवालय सदस्य तथा त्रिवि इन्चार्ज मदन विष्टले बताए।
नेविसंघले असार २७ मा त्रिवि रजिस्ट्रारको कार्यालय, लेखा शाखा, व्यवस्थापन र मानविकी संकायको डिन कार्यालयमा तालाबन्दी गरेको थियो।
तालाबन्दीको विरोधमा हस्ताक्षर अभियान सञ्चालन गरिएको उनले बताए।