चोरी मुद्दामा फरार रहेका एक जना प्रतिवादी पक्राउ परेका छन्।
रामेछाप दोरम्बा गाउँपालिका-४ का ४० वर्षीय प्रेमबहादुर थापा मगरलाई प्रहरीले ललितपुर महानगरपालिका-२९ हरिसिद्धीबाट मंगलबार पक्राउ गरेको छ।
२०५८ चैत २७ गते ललितपुर जिल्ला अदालतबाट तीन वर्ष ५ महिना २० दिन कैद सजाय सुनाएको थियो।
सजाय तोकेको १९ वर्षदेखि उनी फरार रहेको रामेछापका प्रहरी नायब उपरीक्षक (डिएसपी) नवराज ढुंगानाले बताए।
उनलाई प्रहरीले पक्राउ गरी थप अनुसन्धानका लागि रामेछाप लगिएको छ।
कारबाहीको लागि जिल्ला अदालत मन्थलीमा पेश गर्ने तयारी भइरहेको छ।