अब खोप लगाएको प्रमाणपत्र जिल्लाका ५० शैयाभन्दा माथिका अस्पतालहरुबाट लिन सकिने भएको छ।
स्वास्थ्य तथा जनसंख्या मन्त्रालयको सचिवस्तरीय बैठकले यस्तो निर्णय गरेको हो। वैदेशिक रोजगार, अध्ययन, उपचार लगायत अन्य कार्यका लागि विदेश जानुपर्ने नागरिकले खोप लगाएको कार्डको आधारमा प्रमाणीकरण गर्न मन्त्रालयले निर्देशन दिएको छ।
ती अस्पतालले बढीमा २ जनासम्म फोकल पर्सन तोकी निशुल्क प्रमाणीकरण गर्ने व्यवस्था मिलाउनुपर्नेछ।
साथै पहिले नै दर्ता गरेर मात्रै खोप लगाउने र सूचना प्रणालीबाट क्यूआरकोडसहितको प्रमाणपत्र विद्युतीय प्रणालीबाट उपलव्ध गराउने व्यवस्था मिलाउन सरकारले अस्पतालहरुलाई निर्देशन दिएको छ।
खोप केन्द्र व्यवस्थित गर्न कुपन वितरण गरी खोप केन्द्रको संख्या बढाउनेगरी व्यवस्था मिलाउन सरकारले निर्देशन दिएको छ।
