महोत्तरीमा बोक्सी आरोपमा महिलालाई मलमूत्र खुवाएको आरोपमा प्रहरीले चार जनालाई पक्राउ गरेको छ।
पक्राउ पर्नेमा जलेश्वर नगरपालिका–४ सुगाकी ६५ वर्षीया प्रमिलादेवी महतो, उनका छोरा ३५ वर्षीय सिकिन्दर महतो, सिकिन्दरकी श्रीमती ३२ वर्षीया पुरनी देवी महतो, रगेश्वरकै अर्का २० वर्षीय छोरा अनिल महतो रहेको प्रहरीले जनाएको छ।
जिल्ला प्रहरी कार्यालय महोत्तरीका सूचना अधिकारी रञ्जन मिश्रका अनुसार असोज २७ गते बिहान ३ बजे सुगा गाउँस्थित ४२ वर्षीया महिलालाई उनीहरूले बोक्सीको आरोपमा कुटपिट गर्दै मलमूत्र खुवाएका थिए।
आरोपीले पीडितको कपालसमेत काटेर भागेका थिए।
‘पीडित महिला घुमफिर गरिरहेको अवस्थामा सिकिन्दरको घर अगाडि आइपुग्दा सिकिन्दरकी छोरी रून थालिछन्। अनि उनीहरूले बोक्सीको आरोपमा कुटपिट गरी मलमूत्र खुवाई कपाल समेत काटिदिएका थिए,’ प्रहरी निरीक्षक मिश्रले भने।
