नेपालमा थप २७० जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार शुक्रबार २७० जना संक्रमित थपिएका हुन्।
पछिल्लो २४ घण्टामा १० हजार ४४६ जनाको कोरोना परीक्षण गर्दा सो संख्यामा संक्रमित थपिएका हुन्।
७ हजार ८२९ जनाको पिसिआर परीक्षण र २६१७ जनाको एन्टिजेन परीक्षण गरिएको थियो।
नेपालमा हाल ७ हजार २८७ जना सक्रिय संक्रमित छन्।
यस्तै, पछिल्लो २४ घण्टामा कोरोना भाइरसको संक्रमणबाट २ जनाको मृत्यु भएको छ। योसँगै मृत्यु हुनेको संख्या ११ हजार ५१८ पुगेको छ।
३०२ जना निको समेत भएको मन्त्रालयले जनाएको छ। यसैगरी कोरोनाबाट निको हुनेको दर ९७.७ प्रतिशत छ।