झापाको दमक-३ स्थित दुम्सेमा मंगलबार राति हात्तीको आक्रमणबाट एक बृद्धको ज्यान गएको छ।
दमक ३ गोलाटारका ६२ वर्षीय गणेश अधिकारीको ८ बजेतिर हात्तीको आक्रमणबाट मृत्यु भएको सो वडाका वडाध्यक्ष नवीन बरालले जानकारी दिए।
अधिकारी मकैमा पानी सिँचाइ गर्नका लागि नजिकैको पैनी (कुलो) मा गएका थिए। त्यहीबेला हात्तीले उनलाई आक्रमण गरेको र घटनास्थलमै हात्तीले ज्यान लिएको वडाध्यक्ष बरालले बताए।
दमक-३ हात्ती प्रभावित क्षेत्र हो। दिनहुँ यहाँ हात्ती देखिने गरेको छ।
