८ रात ९ दिनसम्म मनाइने भक्तपुरको ऐतिहासिक बिस्केट जात्रा आजबाट सुरू भएको छ। जात्रा वैशाख ५ गतेसम्म चल्ने छ।
पहिलो दिन आज भैरवनाथ र भद्रकालीको रथ तानेर जात्रा सुरू गरियो। भैरवनाथको रथमा तलेजुका पुजारी उत्तमाङ्गराज राजोपाध्याय र तलेजुका नाइकेले खड्ग, तरबार, निशान राखिसकेपछि गुठी संस्थानबाट ल्याएको सरकारी पूजा र स्थानीय पूजा सकेर रथ तान्न सुरु गर्ने गरियो।
बिस्केट अर्थात ‘सर्प मारियो भन्ने अर्थमा नेवार समुदायमा जात्रा मनाइन्छ। जात्रामा तान्त्रिक विधिपूर्वक निर्माण गरिएको भैरवको रथ टैमढीबाट भक्तपुरको माथिल्लो र तल्लो भेगका बासिन्दाले आ-आफ्नो क्षेत्रमा लैजान तान्ने परम्परा छ ।
चैत मसान्तमा इन्द्रध्वजासहित लिंगो उभ्याउने र नयाँ वर्षका दिन साँझ लिंगो ढाल्ने गरिन्छ । जात्रा अबलोकन गरे शत्रु नाश हुने जनविश्वास रहिआएको छ ।
हेर्नुहोस् तस्बिरहरू
1649592307.jpg)
