युरोपियन च्याम्पियन्स लिगमा इटालियन च्याम्पियन युभेन्ट्सले विजयी सुरुवात गरेको छ।
युभेन्ट्सले मंगलबार राति भएको खेलमा युक्रेनको क्लब डाइनामो किभलाई २-० गोलले पराजित गरेको हो।
युभेन्ट्सका लागि दुवै गोल अल्भारो मोराटाले गरेका थिए।
डाइनामोको घरेलु मैदानमा भएको खेलको पहिलो हाफ भने गोलरहित बराबरीमा सकिएको थियो।
दोस्रो हाफ सुरु भएको पहिलो मिनेटमै युभेन्ट्सले खेलमा अग्रता लियो। मोराटाले ४६ मिनेटमा पहिलो गोल गरेका हुन्।
खेलको ८४ मिनेटमा मोराटाले युभेन्ट्सको अग्रता दोब्बर पारे। उनलाई गोल गर्न जुकाउड्राडोले पास दिएका थिए।
युभेन्ट्स आफ्ना स्टार खेलाडी क्रिस्टियानो रोनाल्डोबिना मैदान उत्रिएको थियो।
रोनाल्डो कोरोना भाइरसको संक्रमण भएपछि होम आइसोलेसनमा छन्।
युभेन्ट्स रहेको समूह 'जी' मा स्पेनिस महारथी बार्सिलोना ३ अंकसहित शीर्ष स्थानमा छ। गोलअन्तरमा पछि परेको युभेन्ट्स दोस्रो स्थानमा छ।
