महिला राष्ट्रिय लिगमा विराटनगर नगरपालिकाले पहिलो जित हात पारेको छ।
विराटनगरले बुधबार एन्फा कम्प्लेक्स सातदोबाटोमा भएको खेलमा चन्द्रपुर नगरपालिका रौतहटलाई ५-० गोलले पराजित गर्यो।
विराटनगरको जितमा कुसुम खतिवडाले ह्याट्रिक गरिन्। अनु राई र सरिता शेर्पाले एक-एक गोल थपे।
खेलको १२ मिनेटमा कुसुमले पहिलो गोल गरेकी थिइन्। अनुले ३२ मिनेटमा विराटनगरको अग्रता दोब्बर पारिन्।
खेलको ६३ मिनेटमा सरिताले टिमका लागि तेस्रो गोल गरेकी थिइन्।
कुसुमले ह्याट्रिक पूरा गर्ने क्रममा पछिल्ला दुई गोल दुई भित्रमा गरेकी थिइन्।
उनले ६९ मिनेटमा दोस्रो गोल गर्दा ७१ मिनेटमा ह्याट्रिक पूरा गरिन्।
जितपछि विराटनगरका प्रशिक्षक पारस चौधरीले आक्रामक खेलेकाले गोल सम्भव भएको बताए। उनले यसअघि विभागीय टिमसँग खेल्दा खेलाडीहरु डराएको बताए।
चन्द्रपुरका सहायक प्रशिक्षक चित्र दर्लामी मगरले ठूलो अन्तरको हारको अपेक्षा नभएको बताए। उनले टिमको डिफेन्समा समस्या रहेको बताए।
जितसँगै ४ अंक जोडेको विराटनगर अंक तालिकाको चौथो स्थानमा उक्लिएको छ। तीन अंक जोडेको चन्द्रपुर पाँचौ स्थानमा छ।