आफ्ना १२ खेलाडीलाई कोभिड १९ को संक्रमण भएपछि आयोजक भारत एएफसी महिला एसिया कप फुटबलबाट बाहिरिएको छ।
भारतले आइतबार समूह चरणको खेलमा चाईनिज ताइपेविरुद्ध खेल्ने तालिका रहेको थियो । तर, कोभिड पीडित भारतले १३ खेलाडी जुटाउन नसकेपछि खेल आयोजक प्रतियोगिताबाटै बाहिरिएको हो।
एएफसीको नियम अनुसार कोभिडको महामारीको समयमा कम्तिमा १३ खेलाडी टिममा उपलब्ध हुनुपर्छ । तर, भारतले आवश्यक खेलाडी उपलब्ध गराउन सकेको थिएन।
चीन, चाइनिज ताइपेई, इरानसँगै आयोजक भारत समूह ए मा थियो। यसअघि भारतले इरानलाई गोलरहित बराबरीमा रोकेको थियो।
प्रतियोगिता अन्तर्गत बाँकी खेलहरु भने पूर्व निर्धारित तालिका अनुसार नै हुने एएफसीले जनाएको छ।
