इन्डोनेसियाको शीर्ष डिभिजनको लिग-१ क्लब पेर्सिक केडिरीले अर्को लिग-१ क्लब रेन्स नुसनतारा एफसीसँग आइतबार मैत्रीपूर्ण खेल खेल्दा ब्राजिलका लिजेन्ड फुटबलर रोनाल्डिन्होलाई मैदान उतारेको छ।
यसै सिजन लिग-१ मा बढुवा भएको नुसनताराले रोनाल्डिन्होलाई मैदान उतारेको हो।
सिजनको लिग सुरू हुनुअघि उसले समर्थकलाई गरेको बाचा पूरा गर्न रोनाल्डिन्होलाई खेलाएको हो।
गत मार्चमा क्लबले आफ्ना समर्थकलाई सरप्राइज दिनका लागि रोनाल्डिन्होलाई मैदान उतार्ने बाचा गरेको थियो।
आइतबार उनै ४२ वर्षीय रोनाल्डिन्हो नुसनतारबाट खेल्दा उनीविरूद्ध नेपालका मिडफिल्डर रोहित चन्दले पनि खेल्ने अवसर पाए।
रोहित यसै सिजन पेर्सिजा जाकर्ताबाट पेर्सिक केडिरीमा आबद्ध भएका थिए।
आइतबारको खेलको निर्धारित समय गोलरहित बराबरीमा सकिएको छ। केडिरी ४-२ गोलले विजयी भएको छ।
