कुल कर्जामा निश्क्रिय कर्जा उच्च रहेको एनसिसीले पछिल्लो समय घटाउँदै लगेको छ।
गत वर्षको चैत मसान्तसम्म ३. ९७ प्रतिशत रहेको निश्क्रिय कर्जा अहिले ३. २६ प्रतिशतमा झारेको छ। कर्जा विस्तार बढाउँदै लैजाँदा निश्क्रिय कर्जा घट्नु राम्रो मानिन्छ।
यस अवधिमा बैंकले ५१ अर्बबाट ५६ अर्ब कर्जा प्रवाह बढाएको छ। त्यस्तै निक्षेप ५७ अर्बबाट ६१ अर्ब पुगेको छ।
बैंकको खुद व्याजवापतको आम्दानी बढ्दा नाफामा ३१ प्रतिशतको प्रगति देखिएको छ। बैंकले चैत मसान्तसम्म १ अर्ब १६ करोड खुद नाफा कमाएको छ। गत वर्ष यही अवधिमा यस्तो नाफा ८८ करोड थियो। वितरणयोग्य नाफा ८४ करोड छ।
बैंकको नाफा बढे पनि प्रतिसेयर आम्दानी घटेको छ। चुक्ता पुँजी बढाउँदा बैंकको प्रतिसेयर आम्दानीमा असर परेको हो। प्रतिसेयर आम्दानी २२ रुपैयाँ ११ पैसा छ। गत वर्ष २५ रुपैयाँ थियो।