हिमालयन बैंकले चालु आर्थिक वर्षको तेस्रो त्रैमासिकसम्म २ अर्व खुद नाफा कमाएको छ।
बैंकले सार्वजनिक गरेको तेस्रो त्रैमासिक रिपोर्ट अनुसार बैंकले समीक्षा अवधिमा १०.२४ प्रतिशत नाफा बृद्धि गरेको हो। गत आर्थिक वर्षको यही अवधिमा बैंकको नाफा १ अर्व ८२ करोड रुपैयाँ थियो।
यो आर्थिक वर्षमा विभिन्न शिर्षकहरुको ब्यवस्था पश्चात बैंकले वितरणयोग्य नाफा १ अर्व ३३ करोड रुपैयाँ आर्जन गरेको छ।
बैंकले यो आर्थिक वर्षको तेस्रो त्रैमासिकमा मात्रै ६४ करोड ७० लाख रुपैयाँ खुद नाफा आर्जन गरेको छ।
बैंकको निक्षेप रकम ९.६९ प्रतिशतले बृद्धि भएको छ। कर्जा प्रवाह १३.७० प्रतिशतले बृद्धि भएको छ।
बैंकको चुक्ता पुँजी ८ अर्व ५२ करोड रुपैयाँ पुगेको छ। जगेडा कोषमा ६ अर्ब ७४ करोड रकम जम्मा भएको छ। बैंकको निष्कृय कर्जा १.३१ प्रतिशत छ।
तेस्रो त्रैमासिकमा बैंकको प्रतिशेयर आम्दानी ३१ रुपैयाँ ५२ पैसा पुगेको छ। प्रति शेयर सम्पत्ति मूल्य १७९ रुपैयाँ १७ पैसा रहेको छ भने मूल्य आम्दानी अनुपात १५ः५४ रहेको छ।
