नेपालको शेयर बजार सातामा चार दिन ओारालो लागेको छ भने एक दिन मात्रै उकालो लागेको छ । समग्रमा आइतबार देखि बिहिबार सम्म नेप्से सुचक २५.२८ अंकले घटेको छ । १२६३.८४ अंकबाट कारोबार भएको साताको नेप्से बिहिबार १२३८.५६ अंकमा पुगेर बन्द भएको छ । यसबीचमा बुधबार बाहेक साताभरिनै नेप्से ओरालो लाग्यो ।
साताको सुरुमा पूँजीगत लाभकरको विबादले अन्यौल रहेको शेयर बजार मंगलबार सरकारले त्यसलाई तीन दिन भित्र समाधानको लागि निर्देशन दिएपनि शेयर बजारमा उत्साह बढेको थियो । त्यसैको परिणाम स्वरुप शेयर बजारमा सामान्य सुधार भयो ।
बुधबारनै नेपाल राष्ट्र बैंकले बैंक तथा वित्तीय सस्थालाई सर्कुलेसन जारी गरेपछि त्यसको असर फेरी शेयर बजारमा देखियो । त्यसैले साताको अन्तिम दिन बिहिबार मात्रै ९.९२ अंकले बजार ओरालो लाग्यो ।
आज कारोबार रकममा भने सामान्य सुधार आएको छ । दिनभरिमा १ सय ६६ कम्पनीको १८लाख ७७ हजार कित्ता शेयर किनबेच हुदाँ ४५ करोड ४६ लाख २९ हजार रुपैयाँ बराबरको कारोबार भयो ।
नेप्से घटेसँगै सबै उपसूचक भने ओरालो लागेका छन् । सबैभन्दा बढी निर्जीवन बीमाको सूचक आज सबैभन्दा बढी ७५.४३ अंकले घट्यो, यस्तै जलविद्युतको ३१.३५, जीवन बीमाको २६.५५ तथा माइक्रोफाइनान्सको २०.३२ अंकले घट्यो । आज सबैभन्दा बढी कारोबार रसुवागढी हाइड्रोपावर कम्पनीको भयो । उक्त कम्पनीको ९ करोड ७६ लाखको कारोबार हुदाँ त्यसपछि सन्जेन जलविद्युत कम्पनीको शेयर ५ अर्ब १३ करोड रुपैयाँ बराबरको कारोबार भयो ।
आज सबैभन्दा बढी सपोर्ट माइक्रोफाइनान्स वित्तिय संस्थाका लगानीकर्ताले कमाए भने सबैभन्दा बढी गुमाउनेमा रसुवागढी हाइड्रोपावर कम्पनीका लगानीकर्ता छन् ।