साताको पहिलो दिन शेयर बजार घटेको छ । आइतबार नेपाल स्टक एक्चेन्ज (नेप्से) ४.८४ अंकले घटेको हो । अगिल्लो हप्ता नेप्से २५ अंक तल झरेको थियो । १२३८.३९ अंकबाट कारोबार सुरु भएको नेप्से सुचक बजार बन्द हुदाँ १२३३.७१ अंकमा पुग्यो ।
ठुला कम्पनीको कारोबार मापन गर्ने सेन्सेन्टिभ सुचक पनि ०.४० अंकले घटेर २६७.६० अंकमा पुगेको छ ।
नेप्से सुचकमात्रै होइन आइतबार कारोबार रकम पनि खुम्चिएको छ । दिनभरिमा १ सय ६६ कम्पनीको ११ लाख ४५ हजार ५ सय ७ कित्ता शेयर किनबेच भएको आइतबार ३१ करोड १७ लाख ५६ हजारको मात्रै कारोबार भयो ।
आज सबैभन्दा बढी रसुवा गढी हाइड्रोपावर कम्पनीको शेयर खरिद बिक्री भयो । रसुवाको ४ करोड ४९ लाख शेयर कारोबार हुदाँ संजेल जलविद्युत कम्पनीको २ करोड ७९ लाख रुपैयाँ बराबरको कारोबार भयो ।
नेप्से घटेपनि उपसूचकहरु भने मिश्रित देखिएका छन् । आज सबैभन्दा बढी होटल १६.४६, टेड्रिङ १३.७७, फाइनान्स १.२५, अन्य उपसुचक १.८८ तथा म्युचुअल फण्ड ०.०२ अंकले बढ्यो भने बाकी सुचक ओरालो लागे । यस्तै, सबैभन्दा बढी जीवन बिमा ३७.६६ तथा निर्जीवन बिमा ३२.१९ अंकले घट्यो ।
दिनभरिको कारोबार साल्ट टे«डिङका लगानीकर्ताले सबैभन्दा बढी कमाए भने सबैभन्दा बढी गुमाउनेमा नेपाल क्रेडिट एन्ड कमर्स बैंकका लगानीकर्ता छन् ।
