मंगलबार नेप्से परिसूचक २.७८ अंकले घटेर १२३१ अंकमा झरेको छ।
सोमबार सामान्य सुधार देखिएको नेप्से मंगलबार पुन ओरालो लागेको हो। नेप्से सँगै ठूला कम्पनीको कारोबार मापन गर्ने सेन्सेटिभ इन्डेक्स पनि ०.५८ अंकले घटेर २६७.१४ अंकमा झरेको छ।
यस दिन नेप्से घटेपनि कारोबार रकम भने बढेको छ। १ सय ६४ कम्पनीको १८ लाख ९६ हजार कित्ता शेयर किनबेच हुँदा ४८ करोड १६ लाख २९ हजार रुपैयाँको कारोबार भयो।
आज सबैभन्दा बढी माछापुच्छ्रे बैंकको १२ करोड ९६ लाख ७१ हजार रुपैयाँको कारोबार भयो। त्यसपछि दोस्रोमा लक्ष्मी बैंकको ८ करोड ६१ लाख रुपैयाँको कारोबार भयो।
आज म्युच्युअल फण्ड ०.०१ अंकले बढ्यो भने अरु सबै समूह ओरालो लागेका छन्। आज सबैभन्दा बढी होटल समूह २२. ५२ अंकले घट्यो। यस्तै, उत्पादन ७.८१, विकास बैंक ७.२४ र जीवन बीमा १९.४, निर्जीवन बीमा ४. ५१ अंकले घटे। बैंकिङ १.३१, जलविद्युत १, फाइनान्स २. ३६, अन्य ४. ७७, माइक्रोफाइनान्स १. ४२ अंकले घटे।
आज सबैभन्दा बढी युनाइटेड मोदी जलविद्युत कम्पनीका लगानीकर्ताले कमाए भने सबैभन्दा बढी गुमाउनेमा एनएलजी इन्सुरेन्स कम्पनीका लगानीकर्ता छन्।
