नेपाल राष्ट्र बैंक र बैंक तथा वित्तीय संस्थाहरुबाट प्रवद्र्घित नेपाल क्लियरिङ्ग हाउस लिमिटेड (एनसीएचएल) ले कनेक्ट आइपिसएस इपेमेन्ट प्रणालीमा पैसा ट्रान्सफर(फन्ड) ट्रान्ड ट्रान्सफर गर्दा शुल्क नलाग्ने बनाएको छ।
तर यस्तो निशुल्क सुविधा सिमित अवधिका लागिमात्र भएको कम्पनीले जानकारी दिएको छ।
यो सुविधा लिनका लागि कनेक्ट आइपिएसमा आफ्नो बैंक खाता लिंक गर्नुपर्छ। त्यसरी लिंक भएको भेरिभाइ भएपछि पाइने नम्बर(मोबाइल) का आधारमा ग्राहकले फन्ड ट्रान्सफर गर्नसक्ने छन्।
एनसीएचएलले ५३ भन्दा बढि बैंक तथा वित्तिय संस्थाहरुमार्फत ग्राहकहरुका लागि बैंक खातामा आधारित रियल–टाइम भुक्तानी गर्न यो प्रणाली सञ्चालनमा ल्याएको छ।
यो प्रणालीमा अनलाइन फण्ड ट्रान्सफर, पेमेन्ट प्रोसेसर (गेटवे), क्रेडिट कार्ड÷बिलभुक्तानी लगायत सरकारको राजस्व भुक्तानी, लोकसेवा आयोग आवेदन शुल्क भुक्तानी, कम्पनी रजिष्ट्रार कार्यालयको भुक्तानी ,नागरिक लगानी कोषको भुक्तानी, सामाजिक सुरक्षा कोष सम्बन्धी भुक्तानी, क्रेडिट कार्ड बिलभुक्तानी, मोबाईल वालेटमा फण्ड लोड, नेप्से अनलाईन ट्रेडिङ्ग तथा सेयर ब्रोकरलाई भुक्तानी लगायतका सेवाहरु उपलब्ध रहेका छन् ।