साताको पहिलो दिन नेपाल स्टक एक्चेन्ज (नेप्से) १२.६१ अंकले घटेको छ। पछिल्लो समय ओरालो लागिरहेको नेप्से आइतबार पनि घटेर ११७८.४६ अंकमा पुगेको हो।
यस्तै ठुला कम्पनीको कारोबार मापन गर्ने सेन्सेटिभ इन्डेक्स २.७७ अंकले घटेर २७५.१३ अंकमा पुगेको छ।
नेप्से घटेसँगै कारोबार रकम पनि ३० करोडमा खुम्चिएको हो। १६५ कम्पनीको कारोबार भएको आज ११ लाख ७३ हजार ४ सय ८८ कित्ता शेयर कारोबार भएको आइतबार ३० करोड ५३ लाख १० हजार रुपैयाँको शेयर कारोबार भएको हो।
शेयर दोहोरो अंकले घटेसँगै सबै उपसूचकहरु पनि ओरालो लागेका छन्। आज सबैभन्दा बढी निर्जीवन जीवन बिमाको शेयर १०२.२९ अंकले ओरालो लाग्यो।
यस्तै, जीवन बिमा ८५.४४ अंकले तथा विकास बैंक १५.८२, जलविद्युत १२.९२ तथा बैंकि क्षेत्र १०.९६ अंकले घटेको हो।
आज, सबैभन्दा बढी प्रभु बैंक लिमिटेडको प्रमोटर शेयर सबैभन्दा बढी कारोबार भयो। बैंकको ५ करोड २४ लाख ८० हजार रुपैयाँको कारोबार भयो।
यस्तै, एनआइसिएशियाको १ करोड ६१ लाख ८८ हजार रुपैयाँको शेयर कारोबार भयो।
आज सबैभन्दा बढी कमाउनेमा आँधिखोला लघुवित्त वित्तीय संस्थाका लगानीकर्ता छन् भने सबैभन्दा बढी गुमाउनेमा पञ्चेश्वर पावर कम्पनी लिमिटेडका लगानीकर्ता छन्।
