राष्ट्र बैंकले आजबाट नयाँ नोट सटही थालेको छ। काठमाडौं उपत्यकाबाहिर बिराटनगर, जनकपुर, वीरगन्ज, पोखरा, सिद्धार्थनगर, नेपालगन्ज र धनगढीका राष्ट्र बैंक कार्यालयबाट नयाँ नोट सटही हुनेछ।
त्यस्तै काठमाडौंमा राष्ट्र बैंकको मुद्रा व्यवस्थापन विभाग बालुवाटारबाट नयाँ नोट सटही हुनेछ। प्रतिव्यक्ति १८ हजार ५ सय अर्थात अधिकतम ५, १०, २०, ५० र १ सयका एक/एक गड्डी नयाँ नोट एक व्यक्तिले पाउँछन्। त्योबाहेक आफूसँग भएको पुराना नोटको साटो सुकिला नोट सटही पनि गर्न सकिनेछ।
राष्ट्र बैंकको बालुवाटार कार्यालयसहित उपत्यकाका २४ ठाउँबाट नयाँ नोट सटही हुनेछ। काठमाडौंमा यी ठाउँबाट साट्न पाइन्छ नयाँ नोट
नेपाल बैंकको न्यूरोड, कीर्तिपुर, महाराजगंज, जोरपाटी, पाटन औधोगिक क्षेत्र, लाजिम्पाट र भक्तपुर शाखाबाट नयाँ नोट सटही हुन्छ।
त्यस्तै राष्ट्रिय वाणिज्य बैंकको सिंहदरवार प्लाजा, सिंहदरवार परिसर, टेकु, नयाँ बानेश्वर, सानोठिमी, विशालबजार, नक्साल, बालाजु, लुभु र टोखा शाखाबाट सटही सुविधा हुनेछ।
कृषि विकास बैंकका गौशाला, गठ्ठाघर, रामशाहपथ, रत्नपार्क, थानकोट र पुल्चोक शाखाबाट नयाँ नोट सटही हुनेछ।
