नेपाल स्टक एक्सचेन्ज (नेप्से) सोमबार दोहोरो अंकले बढेको छ । ११२६ अंकबाट कारोबार सुरु भएको आज १०.४२ अंकले बढेर ११३५ अंकमा पुगेको छ ।
यस्तै, ठुला कम्पनीको कारोबार मापन गर्ने सेन्सेटिभ सुचक पनि ०.६८ अंकले बढेर २४७.०२ अंकमा पुगेको छ ।
तर, कारोबार रकम भने घटेको छ । आज १६ करोड ८८ लाख २८ हजारको शेयर कारोबार भयो । दिनभरिमा १५७ कम्पनीको ६ लाख ३३ हजार कित्ता शेयर कारोबार भयो ।
आज अन्य बाहेक बाँकी सबै उपसुचक पनि सकारात्मक देखिएका छन् । सबैभन्दा बढी जीवन बीमाको शेयर ७१.८६ अंकले बढ्यो । यस्तै, निर्जीवन बीमा ६६.४९, होटल ४९.०२ तथा जलविद्युत २०.१८ अंकले बढ्दा अन्य उपसुचक ६.८२ अंकले घट्यो ।
सोमबार सबैभन्दा बढी सनराइज बैंकको शेयर कारोबार भयो । सनराइजको शेयर २ करोड १३ लाखको कारोबार हुदाँ प्रभु बैंकको शेयर १ करोड ३१ लाख ११ हजारको कारोबार भयो ।
आज सबैभन्दा बढी युनिक जलविद्युत कम्पनीका लगानीकर्ताले कमाए भने सबैभन्दा बढी गुमाउनेमा माउन्टेन हाइड्रोका लगानीकर्ता छन् ।
.JPG)
