लगातार घटिरहेको शेयर बजार पछिल्लो दुई दिनदेखि दोहोरो अंकले बढेको छ। सोमबार १० अंकले बढेको नेप्से मंगलबार पनि १०.१३ अंकले सुधार आएको हो। आजै ११३५ अंकबाट बढेर शेयर ११४५.६९ अंकमा पुगेको हो ।
नेप्से बढेसँगै ठूला कम्पनीको कारोबार मापन गर्ने सेन्सेटिभ सूचक पनि बढेको छ। एकै दिनमा ३.१९ अंकले बढेर २५०.२१ अंकमा पुगेको छ।
आज कारोबार रकम पनि बढेको छ। १६४ कम्पनीको १३ लाख ८६ हजार कित्ता किनबेच भएको आज ३१ करोड १४ लाख ८८ हजार रुपैयाँको कारोबार भयो।
नेप्सेमा सुधार देखिएसँगै उपसूचक हरु पनि सकारात्क भएका छन्।
आज सबैभन्दा बढी निर्जीवन बीमाको शेयर ४९.१२ अंकले बढेको छ । यस्तै बैंकिङ १२.८१ तथा जीवन बीमा १६.६१ अंकले बढेको छ। तर, होटल ७.९३, उत्पादन समूह ५२.९२ तथा म्युचुअल फन्ड ०.०१ अंकले घटेका छन् ।
आज सबैभन्दा बढी नेपाल बंगलादेश बैंकको प्रमोटर शेयर खरिद बिक्री भयो। बैंकको ७ करोड १ लाखको कारोबार हुँदा शिवम् सिमेन्टको शेयर ४ करोड ३० लाख रुपैयाँको भयो।
दिनभरिको कारोबारमा आज सिनर्जी जलविद्युत कम्पनीका लगानी कर्ताले कमाए भने सबैभन्दा बढी गुमाउनेमा सप्तकोशी विकास बैंकका लगानीकर्ता छन्।
.JPG)
