नेपाल इन्भेष्टमेन्ट बैंकको ३३औँ वार्षिक साधारणसभा सम्पन्न भएको छ।
संचालक समितीका अध्यक्ष पृथ्वीबहादुर पाँडेको अध्यक्षतामा काठमाडौँमा एक कार्यक्रमकाबीच साधारण सभा सम्पन्न भएको हो।
उक्त साधारणसभाले संचालक समितीको प्रतिवेदन पारीत गरेको छ।
साथै नेपाल राष्ट्र बैंकको निर्देशानुसार तयार वित्तीय विवरण उपर छलफल गरी स्वीकृत गरेको बैंकले बताएको छ।
साधारणसभाले २०७५/७६ सम्मको संचित मुनाफाबाट ०७६ आषाढ मसान्तसम्ममा कायम शेयर पूँजीको १०.५ प्रतिशत बोनस शेयर र ८.५ प्रतिशत नगद लाभाशं दिने प्रस्ताव पनि पारित गरेको छ।
नेपाल इन्भेष्टमेन्ट बैंकको चुक्ता पूँजी १४ अर्ब रुपैयाँ २२ करोड (पारित १०.५ प्रतिशत बोनससहित) पुगेको छ।
बैंकले आव २०७५/७६मा ४ अर्ब १३ करोडको संचालन मुनाफा कमाएको छ।
बैंकले विस्तारित शाखासहित ८२ वटा शाखा कार्यालय, १६ वटा एक्सटेन्सन काउन्टर, १० वटा राजश्व संकलन एक्सटेन्सन काउन्टर, ५७ वटा शाखारहित बैंकिङ सुविधा तथा १२४ वटा एटिएमबाट सेवा दिइरहेको छ।
