गैरआवासीय नेपालीको कम्पनी एनआरएन इन्फ्रास्ट्रक्चर डेभलपमेन्ट लिमिटेडले प्राथमिक सेयर (आइपिओ) जारी गर्न अनुमति पाएको छ।
धितोपत्र बोर्डले सो कम्पनीलाई कुल ३३ लाख ९८ हजार ४६ कित्ता आइपिओ निश्कासनका लागि अनुमति दिएको हो।
कम्पनीले प्रतिकित्ता १ सयका दरले आइपिओमार्फत ३३ करोड ९८ लाख ४ हजार ६ सय रुपैयाँ पुँजी जुटाउने छ। कुल जारी पुँजीमा यो ३० प्रतिशत हिस्सा हो।
सानिमा क्यापिटल बिक्री प्रवन्धकका रुपमा रहेको छ। यो कम्पनी नेपाल स्टक एक्स्चेन्जमा अन्य समूहमा सूचीकृत हुनेछ।
नेपालको जलविद्युत क्षेत्रको विकास गर्ने उद्देश्यले गैर आवासीय नेपालीले यो कम्पनी स्थापना गरेका हुन्।
यस कम्पनीले मैलुङ खोला, मध्य तमोर लगायत जलविद्युत आयोजनामा लगानी गरेको छ।
