सेञ्चुरी कमर्सियल बैंकको नवौं वार्षिकोत्सवको अवसरमा निःशूल्क स्वास्थ्य शिविर, रक्तदान तथा सहयोग कार्यक्रम सञ्चालन गरिएको छ।
चावहिलस्थित ओम हस्पिटल तथा ताहाचलस्थित नेपाल रेडक्रस सोसाईटी, केन्द्रिय रक्तसञ्चार सेवाको सहयोगमा सो कार्यक्रम सम्पन्न भएको थियो।
बैंकका संचालक समितीका अध्यक्ष राजेशकुमार श्रेष्ठको प्रमुख आतिथ्यतामा कार्यक्रम गरिएको थियो।
बालबालिकाहरु देखि वृद्धवृद्धासम्म उपस्थित शिविरमा धेरै जनाको निःशुल्क स्वास्थ्य परीक्षण गरिएको बैंकले बताएको छ। रक्तदान कार्यक्रमा ३५ जनाभन्दा बढीको सहभागिता थियो।
बैंकले श्री महेन्द्र माध्यामिक विद्यालय हेलम्बु, सिन्धुपाल्चोकलाई २ थान ल्यापटप र १ थान प्रोजेक्टर पनि प्रदान गरेको छ।
त्यसैगरी बैंकले आवर चाइल्ड केयर अनाथाश्रमलाई खाद्य सामाग्री वितरण गरको छ।
