सिभिल बैंक लिमिटेड र विवेक अटोमोवाईल्सबीच व्यवसायीक सहकार्य सम्झौता पत्रमा हस्ताक्षर भएको।
उक्त सम्झौता पत्रमा बैंकका तर्फबाट प्रमुख कार्यकारी अधिकृत गोविन्द गुरुङ तथा विवेक अटोमोवाईल्सका तर्फबाट अध्यक्ष विवेक दुगडले हस्ताक्षर गरे।
उक्त सम्झौतापत्रअनुसार विवेक अटोमोवाईल्सबाट पियाजियो ब्राण्डका तीन पाङ्ग्रे सवारी खरिद गर्न महिला ग्राहकलाई विवेक अटोमोवाईल्सको सिफारिसमा सिभिल बैंक लिमिटेडले ७० प्रतिशतसम्म ४ वर्षे कर्जा सुबिधा प्रदान गर्ने छ।
सो कर्जा नेपाल राष्ट्र बैंकबाट जारी ६ प्रतिशत ब्याज अनुदान कार्यक्रम अन्तर्गत महिलाहरुद्वारा संचालित व्यवसायिक फर्महरुलाई प्रदान गरिने छ।
सो अनुदानपछि वार्षिक व्याजदर ६.९८ प्रतिशतमा सो कर्जा सुबिधा प्रदान गर्ने बताइएकाे छ। सिभिल बैंकको ११२ वटै शाखाहरु यो कर्जा सुबिधा प्रदान गरिने छ।