नेपालको लागि हुन्डाई मोर्टसको एक मात्र आधिकारिक बिक्रेता लक्ष्मी इन्टरकन्टिनेन्टल प्रालीले ‘हुन्डाई केयर’ कार्यक्रम सुरु गरेको छ।
यो नयाँ कार्यक्रम कोरोना भाईरसले निम्त्याएको संकटलाई मध्यनजर सुरु गरिएको कम्पनीले बताएको छ।
उक्त कार्यक्रमअन्तर्गत हुन्डाईका ग्राहकहरुलाई आफ्नो सवारीसाधनको मर्मतमा कुनै पनि कठिनाईहरू आएमा सहायता प्रदान गरिनेछ।
यो कार्यक्रमले वास्तविक वारेन्टी भएका सबै हुन्डाई गाडीको वारेन्टी दुई महिना थप्ने शुनिश्चित गरेको छ।
यस अफरमा नि:शुल्क सेवा, आधारभूत वाहन वारेन्टी र एएमसी सेवाहरु समावेश गरिएको छ।
