२०७५ सालदेखि सञ्चालनमा आएको अजोड इन्स्योरेन्स कम्पनीको नाफा अघिल्लो वर्षको तुलनामा ५० प्रतिशतले बढेको छ।
कम्पनीले सार्वजनिक गरेको वित्तीय विवरणअनुसार गएको वर्ष ६ करोड २० लाख नाफा गरेको छ। यद्यपी यो अपरिष्कृत विवरण हो। अघिल्लो वर्ष कम्पनीले ४ करोड ११ लाख रुपैयाँ नाफा गरेको थियो।
कम्पनीको कूल आय गएको वर्ष ५३ करोड ३९ लाख रुपैयाँ रहेको छ। यसमा २७ करोड बीमा शुल्क, पुनर्बीमा कमिशन १४ करोड रहेको छ।
त्यस्तै कूल खर्च भने ४६ करोड ६२ लाख रुपैयाँ रहेको छ।
कम्पनीको प्रतिशेयर आम्दानी ८.६८ रुपैयाँ रहेको छ। त्यस्तै शेयर नेटवर्थ ११५ रुपैयाँ ९७ पैसा छ।
