एसियन लाइफ इन्स्योरेन्स कम्पनीको नाफा ७८ प्रतिशतले बढेको छ। कम्पनीले सार्वजनिक गरेको अपरिष्कृत वित्तीय विवरणअनुसार अघिल्लो वर्षको तुलनामा साे दरकाे नाफा वृद्धि भएको हो।
अघिल्लो वर्ष १० करोड नाफा आर्जन गरेको कम्पनीले गएको वर्ष भने १८ करोड नाफा कमाएको छ।
वित्तीय विरणअनुसार कम्पनीको कूल आय ४० करोड भएको छ।
२ अर्ब १० करोड चुक्ता पुँजी भएको कम्पनीमा ५४ करोडको जगेडा रहेको छ। २१ अर्ब ६१ करोडको जीवन बीमा कोष भएको कम्पनीले गएको वर्षमात्र ४ अर्ब ५९ करोड रुपैयाँ बीमा शुल्क संकलन गरेको छ।
कम्पनीले हालसम्म २७ अर्ब ९० करोड यस्तो शुल्क संकलन गरिसकेको छ। हाल २ लाख ९० हजार बिमित रहेको कम्पनीले गएको वर्षका लागि प्रति हजार ४२ देखि ८७ रुपैयाँसम्म बोनसदर घोषणा गरेको छ।