कुमारी बैंक लिमिटेडले आर्थिक वर्ष २०७६/७७ को नाफाबाट चुक्ता पुँजीको ६ प्रतिशतसम्म नाफा वितरण गर्नसक्ने भएको छ।
बैंकले सार्वजनिक गरेको वित्तीय विरणअनुसार खुद नाफा ०.३१ प्रतिशतले घटेर १ अर्ब २२ करोडमा सिमित भएको छ। त्यस्तै बैंकको वितरणयोग्य नाफा भने ७१ करोड रहेको छ। बैंकको चुक्ता पुँजी १२ अर्ब ५२ करोड रहेको छ।
गएको वर्ष १ खर्ब ११ अर्ब निक्षेप संकलन गरेको बैंकले १ खर्ब १६ अर्ब ऋण परिचालन गरेको छ। बैंकको खुद ब्याज आम्दानी २६ प्रतिशतले बढेको छ।
प्रतिशेयर आम्दानी १२.७७ रुपैयाँ रहेको बैंकको खराब कर्जा १.४१ प्रतिशत रहेको छ।