सिभिल बैंकले आर्थिक वर्ष २०७६/७७ को अन्तिम त्राइमासको वित्तीय विवरण सार्वजनिक गरेको छ।
बैंकले सार्वजनिक गरेको वित्तीय विवरणअनुसार निक्षेप संकलन तथा ऋण विस्तार बढेको छ। बैंकले ३६ प्रतिशत बढाएर ५७ अर्ब ५१ करोड निक्षेप संकलन गरेको छ भने २० प्रतिशत बढाएर ५१ अर्ब ५१ करोड ऋण विस्तार गरेको छ।
यद्यपी बैंकको सञ्चालन नाफा भने ४२ प्रतिशतले घटेर ६७ करोडमा सिमित भएको छ। अघिल्लो वर्ष बैंकले १ अर्ब १७ करोड नाफा कमाएको थियो।
बैंकको खुद नाफा पनि ४५ करोडमा सिमित भएको अघिल्लो वर्ष बैंकले ६९ करोड खुद नाफा आर्जन गरेको थियो।
विवरणअनुसार बैंकको वितरणयोग्य मुनाफा भने २५ करोड रहेको छ। ८ अर्ब चुक्ता पुँजी भएको बैंकको प्रति शेयर आम्दानी ५.७१ रुपैयाँ रहेको छ। यस्तो रकम अघिल्लो वर्ष ८.८४ रुपैयाँ थियो।