युनाईटेड इदी–मार्दी एण्ड आरबि हाइड्रोपावर लिमिटेडले सर्वसाधारणका लागि शेयर जारी गर्ने भएको छ।
आयोजना प्रभावितका लागि जारी गर्न लागिएको यो शेयरको आवेदन असोज ७ गतेदेखि खुल्ने भएको छ।
४ करोड २० लाख रुपैयाँ बराबरको ४ लाख २० हजार कित्ता शेयर कास्कीका आयोजना प्रभावितका लागि जारी गर्न लागेको हो।
आवेदनि दिने अन्तिम मिति असोज २१ गतेसम्म रहने छ। यो अवधिमा शेयरमा पर्याप्त आवेदन नपरे कात्तिक ५ गतेसम्म सारिने छ।
धितोपत्र निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको यो आइपिओमा सर्वसाधारणले १० देखि १० हजार कित्तासम्मका लागि आवेदन दिनसक्ने छन्।
प्रभावित बाहेकका अरु सर्वसाधारणका लागि भने कम्पनीले दोस्रो चरणमा जारी गर्ने भएको छ। दोस्रो चरणमा ६ लाख ३० हजार कित्ता शेयर निष्काषण गर्ने कम्पनीले घोषणा गरेको छ।