मेटलाइफले बीमा सम्बन्धी सेवा र सुविधालाई सहज बनाउनका लागि नयाँ ग्राहक सेवा एप्लिकेशन ल्याएको छ।
विमा पोलिसी व्यवस्थापन गर्न नयाँ ग्राहक सेवा एप ल्याइएको कम्पनीले जानकारी दिएको छ।
यो मोबाइल एप्लिकेशनबाट ग्राहकले घरबाटै सेवा लिनसक्ने कम्पनीले बताएको छ।
यो एप्लिकेशन एप स्टोर र प्लेस्टोर बाट निशुल्क डाउनलोड गर्न सकिने छ। एक पटक ग्राहकले सुरक्षित रूपमा एपलाई लगइन गरेपछि उनीहरूले आफ्नो बीमा पोलिसीको स्थिति, कुल प्रीमियम भुक्तान गरिएको र भुक्तानी गरिएको प्रीमियम किस्ता साथै उनीहरूको पोलिसीहरूको विस्तृत प्रिमियम भुक्तान विवरण जस्ता जानकारी यसबाट पाउने सकिने कम्पनीले बताएको छ।
नयाँ बीमा पोलिसी लिन इच्छुक ग्राहकहरूले पनि यो एपलाई प्रयोग गरी मेटलाइफका विभिन्न बीमा उत्पादनहरूका विवरणहरू हेर्न सक्नेछन्।
भएका पोलिसी लिन चाहेमा कम्पनीका प्रतिनिधिहरुले ग्राहकहरूलाई सम्पर्क गर्नेछन्। उक्त एपमा प्रीमियम क्यालकुलेटर पनि समावेश गरिएको छ जस अन्तर्गत प्रयोगकर्ताहरूले उनीहरूको बीमा पोलिसी तथा योजनाहरुको सोधपुछ गर्न सक्नेछन्।