नेपाल इन्भेष्टमेन्ट बैंकले बुधबार साधारण सभा सम्पन्न गरेको छ।
यो बैंकले सिटी एक्सप्रेस फाइनान्स कम्पनीलाई प्राप्ति गर्ने प्रयोजनको लागि साधारण सभा सम्पन्न गरेको बताएको छ।
कोरोना भाइरस महामारीका समयमा बैंकले भर्चुअल माध्यमबाट सभा सम्पन्न गरेको थियो।
सिटी एक्सप्रेसको सय कित्ता शेयर बापत नेपाल इन्भेष्टमेन्टको ३० कित्ता शेयर दिने शेयर स्वाप अनुपातमा उक्त कम्पनिलाइ बैंकमा गाभ्ने प्रस्ताव सर्वसम्मतिबाट पारित भएकाे हो।
४० करोड चुक्ता पूँजी रहेको सिटी एक्सप्रेस फाइनान्स कम्पनीलाई गाभ्ने प्रक्रिया सम्पन्न भएपछि बैंकको चुक्ता पूँजी १४.३७ अर्ब हुनेछ।
यसको शेयर स्वामित्व ६८.४८ प्रतिशत हुनेछ भने सर्वसाधारणहरु शेयर स्वामित्व ३१.५२ प्रतिशत हुने बैंकको भनाइ छ।
यो बैंकको हाल ८३ वटा शाखा, १२५ वटा एटीएमहरू, १७ एक्सटेन्सन काउन्टर, १० राजस्व संकलन काउन्टर र ५६ शाखारहित बैंकिङ काउन्टरहरू छ।
