सिटिजन्स बैंक इन्टरनेशनले तिनाउँ मिसन डेभलपमेन्ट बैंकलाई प्राप्ति गर्ने भएको छ ।तिनाउँलाई प्राप्ति गर्ने सम्बन्धमा समझदारीपत्रमा शनिबार हस्ताक्षर भइसकेको छ।
समझदारीपत्रमा सिटिजन्सका तर्फबाट सञ्चालक प्रवलजंग पाण्डे र तिनाउँका तर्फबाट सञ्चालक राजेन्द्रप्रसाद ओझाले हस्ताक्षर गरेका छन्।
तिनाउँलाई प्राप्तिपछि सिटिजन्सको निक्षेप १ खर्ब १५ अर्ब रुपैयाँ हुनेछ । यस्तै कर्जा लगानी ९८ अर्ब रुपैयाँ पुग्ने छ । हाल सिटिजन्सको चुक्तापुँजी ९ अर्ब ८ करोड रुपैयाँ छ भने तिनाउँको १ अर्ब ८१ करोड रुपैयाँ रहेको छ।
सम्पत्ति तथा दायित्व मूल्याँकन (डीडीए) पछि सेयर आदनप्रदान अनुपात (स्वाप रेसियो) तय हुने भएको छ । सिटिजन्सको १११ वटा शाखा ९८ वटा एटीएम र १०४ वटा शाखारहित बैंकिङ सुविधा रहेको छ ।
