बैंकहरुले निक्षेपकर्तालाई दिने ब्याजअन्तर ५ प्रतिशतभन्दा बढी कायम गर्न नपाउने भएका छन्।
राष्ट्र बैंकले मौद्रिक समीक्षा गर्दै बैंक तथा वित्तीय संस्थाहरुले कल निक्षेप बाहेकका ब्याज प्रदान गरिने निक्षेप खाताहरुमा दिइने अधिकतम र न्यूनतम ब्याजदर बीचको अन्तर ५ प्रतिशत विन्दु भन्दा बढीले फरक गर्न नपाइने व्यवस्था गरेको हो।
बैंकहरुले मुद्दतीमा बढी ब्याज दिएर बचतमा एकदमै न्यून गरेपछि राष्ट्र बैंकले यस्तो व्यवस्था गरेको हो।
अब मुद्दतीमा ८ प्रतिशतसम्म ब्याज दिइरहेका बैंकले सर्वसाधारणलाई जुनसुकै बचत खातामा ३ प्रतिशतभन्दा कम ब्याज दिन पाउँदैनन्।
यद्यपि कल निक्षेप खाताको ब्याजलाई भने मान्यता नदिइने मौद्रिक समीक्षामा स्पष्ट पारिएको छ।
अरु जुनसुकै खातामा दिइने ब्याजको अन्तर ५ प्रतिशतभन्दा बढी गराउन पाउँदैन।
