नेपाल इन्भेष्टमेन्ट बैंक लिमिटेड (एनआईबीएल) को ३४औं वार्षिक साधारण सभा सम्पन्न भएको छ।
भर्चुअल रुपमा भएको भेलामा बैंकका प्रमुख उपलब्धीहरू, भविष्यका योजनाहरू, कार्यसम्पादन लक्ष्य र रणनीतिहरूका बारेमा छलफल भएको थियो।
साधारण सभाको अध्यक्षता गरेका बैंकका अध्यक्ष पृथ्वीबहादुर पाँडेकाअनुसार सञ्चालक समितिको बैठकले १८.५ प्रतिशत कुल लाभांश वितरण गर्ने निर्णय गरेको जानकारी दिए।
जसमध्ये १३ प्रतिशत लाभांश (बोनस सेयर) र बैंकको कुल चुक्ता पुँजीको ५.५ प्रतिशत नगद लाभांश प्रदान गरिनेछ।
यस वर्ष बैंकले ३.५१ अर्ब रुपैयाँ संचालन नाफा आर्जन गर्न सफल भएको छ। आर्थिक वर्ष २०७६/७७ मा बैंकको खुद नाफा २.४२ अर्ब रुपैयाँ पुगेको छ। बैंकको कुल चुक्ता पुँजी १४.२४ अर्ब रुपैयाँ पुगेको छ।
आर्थिक वर्ष २०७६/७७ मा बैंकको निक्षेप गत आर्थिक वर्षको कुल १५२ अर्बबाट वृद्धि भइ १६६ अर्ब रुपैयाँ पुगेको छ। यसैगरी कुल लगानी अघिल्लो वर्षको १२७ अर्ब रुपैयाँबाट वृद्धि भइ १४१ अर्ब रुपैयाँ पुगेको छ।
यो बैंकको ८३ शाखा, १२८ एटीएम, २० एक्सटेन्सन काउन्टरहरू, १० राजस्व संकलन काउन्टरहरू र ५९ शाखारहित बैंकिङ काउन्टरहरू छन्।
