महालक्ष्मी विकास बैंकले मिस्ड कल सेवा संचालनमा ल्याएको छ।
कोभिड १९ को महामारीको जोखिमलाई न्यूनीकरण गर्ने हेतुले आफ्ना ग्राहकलाई घरमै बसी आधुनिक सेवा उपलब्ध गराउने तथा ग्राहक र बैंक बीचको सम्बन्धलाई सहज बनाउने उद्देश्यले मिस्ड कल सेवा संचालनमा ल्याइएको बैंकले जनाएको छ।
बैंकले संचालनमा ल्याएको यस सेवामा ग्राहकहरुले कुनै पनि बैंकिङ सेवा, बैंकको शाखाहरुको बारे तथा बैंकको बचत तथा कर्जा सम्बन्धी जानकारी आवश्यक परेमा मोवाइल नम्बर ९८४७३८७५२४ मा मिस कल गर्न सक्नेछन्।
बैंकका प्रतिनिधिले सम्बन्धित ग्राहकलाई फोन गरी जानकारी उपलब्ध गराउने छन्।
यस सेवामा ग्राहकहरुलाई बैंकका प्रतिनिधिले डिजिटल बैंकिङ्गको प्रयोग बिधि तथा त्यसको उपयोगीताको बारेमा पनि जानकारी गराउनुको साथै बैंकसँग सम्बन्धित कुनै पनि समस्या वा सुझाव भएमा सो जानकारी लिई उचित समाधान गर्नेछन्।
बैंकले यस विषम परिस्थितिमा सम्पुर्ण ग्राहकहरुलाई मोवाइल बैंकिङ, इन्टरनेट बैंकिङ, कनेक्ट आइपिएस, क्यूआर, कोड लगायतका विद्युतीय कारोबारलाई प्रोत्साहन गर्दै आएको छ।
