ज्योति विकास बैंकले रुपन्देहीस्थित मणिग्राम र परासीस्थित रामग्रामनगरपालिकामा गरी दुई नयाँ शाखा विस्तार गरेको छ।
बैंकले आज नयाँ दुई शाखाको औपचारिक उद्घाटन गरेको हो।
बैंकिङ सेवा विस्तार गर्ने उदेश्यले नयाँ शाखा सञ्चालनमा ल्याइएको बैंकले बताएको छ।
मणिग्राम शाखाको उद्घाटन तिलोत्तमा नगरपालिकाका मेयर रामकृष्ण खाण र बैंकका सञ्चालक सुरेन्द्रबहादुर नेपालीले संयुक्त रुपमा गरे। परासी शाखाको उद्घाटन रामग्राम नगरपालिकाका मेयर धनपत यादव र बैंकका सञ्चालक मन महर्जनले संयुक्त रुपमा गरे।
नयाँ शाखाहरुको उद्घाटन अवसरमा बैंकले मणिग्राम र परासी शाखाका ग्राहकहरुका लागि विभिन्न छुट प्रदान गर्ने भएको छ।
