एभरेष्ट बैंकले बर्दियाको राजापुरमा आफ्नो ११७औं शाखाको उद्घाटन गरेको छ।
राजापुर नगरपालिकाका मेयर दिपेश थारु र एभरेष्ट बैंकका प्रमुख कार्यकारी अधिकृत सुदेश खालिङले संयुक्त रूपमा राजापुर शाखाको उद्घाटन गरेका हुन्।
उक्त उद्घाटन समारोहमा बर्दिया उद्योग वाणिज्य संघका अध्यक्ष केदार थापा, राजापुर महानगरपालिका वडा-४ का अध्यक्ष बिदुर पोखरेल र नेपाल प्रहरीका डिएसपी प्रकाश सापकोटाको पनि उपस्थिति थियो।
उद्घाटन कार्यक्रममा बैंकले आफ्नो संस्थागत सामाजिक उत्तरदायित्व अन्तर्गत राजापुर नगरपालिका वडा४ लाई २० थान डस्टबिन पनि हस्तान्तरण गरेको थियो।
बैंकले हाल ११७ शाखा, १५१ एटिएम, ३१ राजस्व संकलन काउन्टर र यसको व्यापक विश्वव्यापी नेटवर्कमार्फत व्यावसायिक र प्रभावकारी बैंकिङ सेवाहरू प्रदान गर्दैछ।
