राष्ट्र बैंकले बुधबार जारी गरेको एकीकृत निर्देशन अनुसार अब १२ करोड रुपैयाँभन्दा बढीको सेयर धितो कर्जा लिएकाहरूले भदौ आठ गतेसम्म कर्जा सीमामा ल्याउनु पर्ने भएको छ।
यसअघि असारसम्मको अवधि तोकिएको थियो। त्यस्तै, एकल ग्राहक कर्जा सीमा समेत एक बैंकबाट लिदा चार करोड र सम्पूर्ण बैंक तथा वित्तीय संस्थाबाट अधिकतम १२ करोडसम्म मात्र लिन सकिने व्यवस्था थियो।
अब भने लगानीकर्ताले एक वा सबै बैंक तथा वित्तीय संस्थाबाट १२ करोड रुपैयाँसम्म कर्जा लिन पाउने छन्।
भदौ आठसम्ममा यस्तो सीमा अनुसार कर्जा नघटाएमा बैंकहरूले एक सय प्रतिशत प्रावधान राख्नै पर्ने भएको छ।
अर्थात् एकल ग्राहकले २० करोड कर्जा लिएको भएमा र आठ भदौसम्म नघटाएमा २० करोड रुपैयाँ नै बैंकले प्रावधानको रूपमा छुट्याउनु पर्ने हुन्छ।
