शुक्रबार नेपाल स्टक एक्सचेञ्न (नेप्से) मा हिमालयन हाइड्रोपावरको आइपिओ सूचीकृत भएको छ।
कम्पनीले पहिलो कारोबारको लागि ७६ रुपैयाँ ३३ पैसा देखि २२८ रुपैयाँ ९९ पैसा रुपैयाँको मूल्य रेञ्ज पाएको छ। सूचीकृत भएको उक्त शेयर आइतबारदेखि कारोबारमा आउनेछ।
नेप्सेले कम्पनीहरूलाई पहिलो कारोबारको लागि उनीहरूको नेटवर्थको तीन गुणासम्म मुल्य रेञ्ज दिने गर्छ। कम्पनीको कारोबारको लागि संकेत ‘एचएचएल’ रहेको छ।
कम्पनीको कुल १ करोड ९ लाख ५० हजार कित्ता शेयर सूचीकृत भएको हो।
कम्पनीले उद्योग प्रभावित क्षेत्रका स्थानीय बासिन्दाहरूका लागि निष्कासन गरेको ९ लाख कित्ता, सर्वसाधारणको लागि निष्कासन गरेको १३ लाख ५० हजार कित्ता र कम्पनीका संस्थापकहरूको लगानी गरेको ८७ लाख कित्ता गरेर कुल १ करोड ९ लाख ५० हजार कित्ता साधारण शेयर सूचीकृत गराएको हो।
कम्पनीले सूचीकरण पश्चात दिनुपर्ने आरटिएस सेवा ग्लोबल आइएमई क्यापिटल नक्साल, काठमाडौंबाट हुने समेत जनाएको छ।