विश्व बैंक समूह अन्तर्गतको अन्तर्राष्ट्रिय वित्त निगम (आइएफसी) बाट सानिमा बैंकले २ करोड अमेरिकी डलर (आजको विनिमय दर अनुसार २ अर्ब ५४ करोड) बराबरको विदेशी ऋण प्राप्त गरेको छ।
गत आर्थिक वर्षमा सानिमा बैंकले यस्तो ऋणको लागि पहल गरेको भएपनि चालू आर्थिक वर्षमा यस्तो ऋण प्राप्त भएको बैंकले बुधबार पत्रकार सम्मेलन गरी जानकारी दिएको हो।
हाल बैंकिङ प्रणालीमा रहेको तरलता समस्याका बीच प्राप्त यो सहयोगले लघु, साना तथा मझौला क्षेत्रमा कर्जा प्रावहको लागि सहजता हुने बैंकका प्रमुख कार्यकारी अधिकृत निश्चल राज पाण्डेले बताए।
तरलता संकट र हाल मुलुकमा घट्दै गएको विदेशी मुद्रा सञ्चितिमा समेत यसले राहत पुग्ने आइएफसी नेपालको लागि आवासीय प्रतिनिधि बाबकार एस फइले बताए।