भारतको चर्चित अनलाइन कम्पनी पोलिसी बजारले पैसा डबल गर्ने उपाय अन्र्तगत एक लाखमा विभिन्न योजनाहरूको नाम उल्लेख गरेको छ ।
उसले भारतीय बजारमा उपलब्ध ति योजनाहरूमा लगानी गर्दा ५ वर्षदेखि ६ वर्षमा पैसा दोब्बर बनाउन सकिने उल्लेख गरेको छ । म्युचुअल फन्ड, घरजग्गा, सेयर बजार, बैंकले जारी गर्ने विभिन्न बन्ड, इन्स्योरेन्स आदिमा लगानी गर्दा पैसा दोब्बर बनाउन सकिने बताएको छ।
पोलिसी बजारको उक्त लेखमा भनिएको छ 'यी क्षेत्रमा हात हाल्दा जोखिम पनि छ र त्यो जोखिम लिनसक्ने क्षमता लगानीकर्तामा हुनुपर्छ। निश्चित समयमा बचत दोब्बर वा तेब्बर हुने भनेर प्रचार गरिए पनि ति योजनामा प्रचार गरिए अनुसारको ग्यारेन्टी भने हुँदैन।'
दीर्घकालीन बचत योजनामा रहेका र उच्च प्रतिफल खोजिरहेकालाई एनआइसी एशिया बैंकले सार्वजनिक गरेको '१० गुणा सर्वश्रेष्ठ मुद्दती योजना' सबैभन्दा उपयुक्त हुने बताइएको छ।
यो योजनामा १० गुणासम्म प्रतिफल सतप्रतिशत ग्यारेन्टी गरिएको छ । त्यसको साथमा ग्राहकलाई थप फाइदा दिने उद्देश्यले बैंकले ५ वर्ष अवधिका लागि रू. ८४ लाखसम्मका ३ बीमा सम्बन्धी सर्वश्रेष्ठ फाइदाहरू समेत दिने योजना बनाएको छ।
साथमा, ५ लाख रुपैयाँसम्मको निःशुल्क क्रेडिट कार्ड सुविधा र निक्षेप तथा पाकेको ब्याज रकमको धितोमा ९० प्रतिशतसम्म कर्जा सुविधा यस योजनाका मुख्य आकर्षण रहेको बताइएको छ।
यो योजना अनुसार ६ वर्षमा दोब्बर मात्र दिने नभइ अझ लामो समय राख्न चाहनेले बचतको १० गुणासम्म रकम वृद्धि गर्ने अवसर यस योजनामा उपलब्ध छ।
'दीर्घकालीन बचत गर्ने ग्राहकलाई उच्च प्रतिफल दिन यो योजना ल्याएका हौं,' एनआइसी एशिया बैंकका प्रमुख कार्यकारी अधिकृत रोशनकुमार न्यौपानेले भने, 'आफूसँग भएको रकमलाई दीर्घकालीन बचत गर्न चाहनुहुन्छ भने यो नेपालकै हालसम्मको सबैभन्दा सर्वश्रेष्ठ योजना हो।'
'दिनरात दुःखले कमाएको कमाइबाट उच्च प्रतिफल आशा गर्नु स्वभाविक भएकाले मेहनेती मान्छेले त्यसको हक अधिकार पनि राख्छन् तर सही योजना छनौट गर्न भने जान्नुपर्छ।' न्यौपानेले भने 'सहि योजना छान्न जान्ने हो भने कुनै पनि जोखिम नलिइकन उच्च प्रतिफल पाउने ग्यारेन्टी हुन्छ।'
बैंकको १० गुणा योजनामा यस्तै ग्यारेन्टी छ र यो नेपालको वित्तीय क्षेत्रमै नभएको योजना रहेको बताइएको छ।
आजका ग्राहकको आवश्यकतालाई समुचित सम्बोधन गर्ने एकमात्र योजना भएको न्यौपाने बताउँछन्।
यो योजना ल्याउनुअघि बैंकले बजारमा उपलब्ध भएका गुणात्मक वृद्धि गर्ने विभिन्न योजनालाई सुक्ष्म रुपमा अध्ययन गरेको थियो। उनीहरूले दिने प्रतिफललाई अध्ययन गरेर त्यो भन्दा धेरै प्रतिफल दिन बैंकले यो योजना ल्याएको बैंकले जनाएको छ।
बैंकले व्यक्तिगत, संस्थागत र रेमिटेन्स पठाउनेहरूका लागि भनेर छुट्टाछुट्टै योजना ल्याएको छ । व्यक्तिगत योजना अनुसार ग्राहकले मुद्दती खातामा राखेको निक्षेप ६ वर्ष ३ महिना १२ दिनमा दोब्बर पाउँछन् । जस्तो की कुनै ग्राहकले १० लाख रुपैयाँ राखेका छन् भने ६ वर्षमा २० लाख रुपैयाँ पाउनेछन् ।
त्यस्तै, ९ वर्ष ११ महिना १६ दिनसम्मलाई आफ्नो निक्षेपलाई मुद्दतीमा राख्ने हो भने तीन गुणासम्म वृद्धि हुन्छ। मुद्दतीमा राखेको निक्षेपलाई ४ गुणासम्म वृद्धि होस् भन्ने चाहनुहुन्छ भने १२ वर्ष ६ महिना २२ दिनमात्र पर्खिए पुग्छ।
यसैगरी, १४ वर्ष ७ महिनामा ग्राहकको निक्षेप ५ गुणाले वृद्धि हुन्छ । यसको अर्थ हो अहिले १० लाख रुपैयाँ राखेको छ भने करिब १५ वर्षपछि ५० लाख रुपैयाँ प्राप्त गर्न सकिन्छ। यही रकम १६ वर्ष २ महिना २५ दिनसम्म राख्ने हो भने ६ गुणासम्म वृद्धि हुन्छ ।
त्यसैगरी, १७ वर्ष ७ महिना १७ दिनमा ७ गुणासम्म, १८ वर्ष १० महिना ४ दिनमा ८ गुणासम्म, १९ वर्ष ११ महिनामा ९ गुणासम्म र २० वर्ष १० महिना १२ दिनमा १० गुणासम्म निक्षेप वृद्धि हुन्छ।
कुनै ग्राहकले १० गुणासम्म वृद्धि हुने योजनामा १० लाख रुपैयाँ निक्षेप राख्ने हो भने २० वर्ष १० महिना र १२ दिनमा १ करोड रुपैयाँ प्राप्त गर्नेछन्।
