डेनिस ब्राण्ड टुबोर्गले आफ्नो सफल सांगीतिक अभियान टुबोर्ग ओपन फेरि सुरु गर्ने घोषणा गरेको छ।
यस वर्ष भने, ग्रामी अवार्ड विजेता‘क्लिन व्यान्डिट’ र ‘नितेशजंग कुंवर’ले नयाँ ट्रयाकको लागि सांगीतिक सहकार्य गर्नेछन्।आयोजकका अनुसार ‘क्लिन ब्यान्डिट’मा ग्रेस च्याटो र दाजु–भाइ ल्युक र ज्याक प्याटेरसन रहेका छन्।
डेमी लोभाटो र सिन पल जस्ता कलाकारहरुसँग निकै लोकप्रिय रहेको ‘सोलो’ र ‘रकबाई’ गीतमा काम गरिसकेका क्लिन ब्यान्डिटले विश्वभर गीतहरुको ४ करोड भन्दा कपीहरु विक्री गरेको छ।
क्लिन ब्यान्डिटलाई क्लासिकल्, पप र ईलेक्ट्रो जस्ता विभिन्न सांगीतिक शैली मिलाई प्रस्तुति दिने सांगीतिक समूहको रुपमा । २०१९ मा टुबोर्गको साथमा क्लिन ब्यान्डिटले चाईना, इण्डिया, नेपाल, रसिया रभियतनाममा त्यहाँका स्थानीय कलाकारहरुसँग मिलि सांगीतिक सहकार्य गर्नेछन् ।
नयाँ संस्कृतिमा भिज्नु, त्यहाँका स्थानीय कलाकारहरुसँग सहकार्य गर्न पाउनु हाम्रो लागि सुनौलो अवसर भएको कलाकार ज्याक प्याटेरसनले बताए।
नेपाल, चाईना, भारत, भियतनाम र रसियाको भ्रमणहरु टुबोर्गको डिजिटलच्यानलहरुमा यही बैशाखबाट राखिनेछ जहाँ विश्वभरका दर्शकहरुले क्लिन ब्यान्डिटकोभ्रमण र अनुभवहरु हेर्न पाउने टुबोर्गले जनाएको छ।
टुबोर्ग ओपनले विश्वभर अहिलेसम्म विभिन्न संस्कृति र सांगीतिक शैलीहरु मिलाई २० वटा कोल्याबोरेटिभ ट्रयाकहरुतयार गर्ने टुबोर्गका अन्तर्राष्ट्रिय मार्केटिङ्ग म्यानेजर, मिलान शाहले जानकारी गराए।
