यदि तपाई आफ्नो तौल कम गर्न संघर्षरत हुनुहुन्छ वा फास्टफूड खाने बानी सुर्धान खोजीरहनुभएको छ भने अमेजोनको यो ब्रास्लेटले तपाईलाई सहयोग गर्नसक्छ।
इ– कर्मस साइट अमेजोन एउटा अत्याधुनिक ब्रास्लेट बेचिरहेको छ, जसले हाम्रो फास्टफूड खाने बानी सुधार्ने छ। यो ब्रास्लेटको नाम पभ्लोक (उबखयिप) हो। यो लगाउने मानिसले लिमिट भन्दा बढी फास्टफूड खायो भने ३५० भोल्टको करेन्ट लाग्ने निर्माण कम्पनीको भनाइ छ।
यो डिभाइसमा फास्टफूडको मात्रा सिमित गरिन्छ। यसलाई मोबाइलमा भएको एक एपले कन्ट्रोल गर्छ। यो एपलाई डिभाइस प्रयोगकर्ताका नजिकका मानिसले पनि आफ्नो खानाको क्यालोरी जाँच गर्नका लागि मोबाइलमा डाउनलोड गर्नसक्नेछन्।
यो डिभाइस प्रयोगकर्ताले डिभाइसमा सेट गरिएको भन्दा बढी क्यालोरी खायो भने ३५० भोल्टको करेन्टको झट्का लाग्नसक्छ। यो डिभाइस ‘साल्ट लेक सिटी’को ‘बिहेभ टेक्नोलोजी’ले बनाएको हो।
निमार्ण कम्पनीका अनुसार यसले खानाका साथसाथै अन्य नराम्रा बानीहरुमा पनि सुधार ल्याउँछ। यसले चुरोट पिउने,कपाल चलाउने, धेरै सुत्ने, धेरै समय इन्टरनेटमा बस्ने आदि बानीमा सुधार ल्याउँछ।
प्रयोगकर्ताले आफ्नो कुन बानीमा सुधारका लागि डिभाइस प्रयोग गरेको छ, त्यही अनुसार सेटिङ मिलाउनुपर्छ।
यसले प्रयोग गरेको ३ दिनमै हाम्रा नराम्रो बानीमा सुधार आउनथाल्ने कम्पनीको दाबी छ। अमेजोनमा यो डिभाइसको मूल्य (१९३.६२ पाउन्ड स्टर्लिङ्ग) करिब २७ हजार नेपाली रुपैयाँ रहेको छ। यो ब्रास्लेटले एकचोटी चार्ज गरेपछि १५० चोटी करेन्ट दिनसक्छ।
ब्रास्लेटबाट दिइएको करेन्टले कुनै किसिमको हानी नगर्ने कम्पनीको भनाइ छ। यसले दिएको झड्काले हामीलाई उर्फानसक्छ, त्यो भन्दा ठूलो झड्का यसले दिँदैन्।
यो ब्र्रास्लेटलाई मानिसको ब्यावहार कन्ट्रोल गर्नसक्ने तरिकाले डिजाइन गरिएको छ। यो डिभाइसमा सही खानपान वा ब्यावहारको मात्रा तय गरेर सेट गरिन्छ।
त्यो भन्दा बढीमात्रामा खाना खायौँ वा अन्य ब्यावहार गर्यौँ भने डिभाइसमा अलर्ट बज्छ। अलर्टलाई बेवास्ता गरेर काम गरिरह्यौँ भने करेन्ट डिभाइसले ३५० भोल्टको करेन्ट दिन्छ।
यो डिभाइस प्रयोगकर्तामध्ये केहीले यसले आफ्नो बानी सुधार्न सहयोग गरेको प्रतिकृया दिएका छन् भने केहीले यसको आलोचना समेत गरेका छन्।