अन्तर्राष्ट्रिय सेक्टरमा चार्टर्ड उडानको लाइसेन्स पाएको श्री एयरलाइन्सले भारतको वानारसमा परीक्षण उडान गर्ने भएको छ। एयरलाइन्सले वानारसका लागि भोलि प्रुभिङ फ्लाइट गर्ने भएको हो।
एयरलाइन्सले व्यावसायिक उडान गर्नूपहिले सक्षमता परीक्षण गर्न नियामक निकायका अधिकारीसहित गरिने यस्तो उडानको सबै तयारी पूरा भएको एयरलाइन्सका व्यवस्थापक अनिल मानन्धरले जानकारी दिए।
सन् २०१७ देखि फिक्स्ड विङबाट नियमित उडान शुरु गरेको एयरलाइन्सले हाल तराइ क्षेत्रमा रहेका मुख्य विमानस्थलमा उडान गरिरहेको छ।
एयरलाइन्सले वनारसको उडान सिआरजे २०० बाट गर्ने छ। यो ५० सिटको जहाजबाट उडान गर्ने मानन्धरले जानकारी दिए।