अनलाइन सपिङ साइट दराज डटकमले गाडी र मोटरसाइकल पनि बिक्री गर्ने भएको छ।
दसैंको अवसर पारी अब गाडीहरु पनि बेच्ने कम्पनीले घोषणा गरेको छ। सिप्रदी ट्रेडिङ्गसँगको सहकार्यमा दराजले सुपथ मूल्यमा नेपालभर टाटा टियागो गाडी बेच्ने भएको छ । दराजमा यो गाडीको सुरुवाती मूल्य २० लाख ९५ हजार रहेको छ।
दराजले यसअघि नै मोटरसाइकल बिक्री गरिरहेको छ। कम्पनीले टिभीएस मोटरसाइकल तथा स्कूटरहरुमा आकर्षक अफर ल्याएको छ। टिभिएस अपाचे आरटिआर १८० २भी किन्दा ग्राहकले ३२ इन्च को टिभी सित्तैमा पाउनेछन्। त्यस्तै आरटिआर ३१० किन्दा २५ हजार नगद छुट पाउने छन्। यसका साथै हेलमेट, पन्जा तथा कभर पनि निशुल्क पाउने छन्।
'घरायसी सामानदेखि मोटरसाइकल तथा कपडादेखि गाडीसम्म राखेर दराजले नेपालको इकमर्स मार्केटमा ठूलो परिवर्तन गरिरहेको छ। हामी जहिले पनि धेरै विक्रेताहरुलाई लाखौं उपभोक्तासामु लिएर आउने प्रयासमा निरन्तर लागिरहेका छौं' दराज नेपालका प्रबन्ध निर्देशक लिनो अलरिंगले भने।
अब गाडीहरु पनि बिक्रीमा ल्याइएको उनले बताए। ‘दसैं भनेको मोटरसाइकल तथा गाडी किन्नको लागि सही समय हो, दराजले लिएर आएका अफरहरुको फाइदा उठाई उपभोक्ताले सबैभन्दा राम्रो मौका पाउनेछन्’ उनले भने।