कतार एयरवेजले चाइना साउदर्न एयरलाइन्ससँग कोड सेयरिङ सम्झौता गरेको छ। दुई एयरलाइन्सबीच सन् २०२०को जनवरीदेखि कोड सेयर गर्ने सम्झौता भएको कतार एयरवेजले जानकारी दिएको छ।
कतारले चाइना साउदर्नको पाँच प्रतिशत सेयर लिएपछिको यो पहिलो सहकार्य हो।
चाइना साउदर्नका यात्रुहरुले कतार एयरवेजका लागि विभिन्न ८० बढी गन्तव्यका लागि टिकट बुकिङ गर्न सक्ने छन्। कतार एयरवेजले सन् २००३ देखि चीनमा उडान सुरु गरेको थियो। हाल दोहाबाट चीनका विभिन्न सात विमानस्थलमा हप्तामा ४५ उडान गर्दै आएको छ।
